واردقده خانبالغ طرفندن بازيلان حرم و اقرارنامه لريمزى مفتيلرينه عرض ايتديلر كه سجاده مثال بر كاغذ خطايى اوزره خط خطايى ايله فلان كمسنه جنك ايدوب و رفيقلرى جرمنه اقرار ايدوب اول محلده بولندقلرى اجلدن حبس اولنديلر و اول مفتيلرى و اختيارلرى اولوب و جميع مناصبلرينه داخل و و اصل اولوب ضبط ممالكده تحصيل و تكميل علمى و عمل قانونلرنده فائق اولمغله اول مقامه لايق اولمشلردر زيرا خطاييلرده بند و حبس و قتل نفسدن عظيم امور يوقدر چون اول پيران كار ديده و روز كار كذرانيده مكتوباتمزى كوروب احوالمزه واقف اولدقده اكرچه ظاهرا سزك جرمكز يوق اما همراهكز بدخو اولمغله تبت قومندن برينى خطا ايله اوروب هلاك ايلمش و قانونمز اوزره سزك بريكز سياستا برشنك و يارمد طارى و يرمك واجب اولمشدر و اول قاتل اولان كمسنه اوج ييل حبس اولنوب بعده قتل اولنور و سز دخى اولزمانه دكين بريره كتمكه قومايوب حبس ايدرلر مفتيلر بو اسلوب واقع حالى يازوب سراى پادشاهه كوندر ديلر ايرتسى جواب كلديكه قاتلى حفظ ايدوب رفيقلرينى اذار ايده سز زيرا خانبالغده جزئى و كلى امور خاقانه عرض اولنور اما خان بالغدن غيرى شهر لرده‌كى حكومتى خادملره تفويض اولنمشدر اكر امر جزئى اولسه حكم ايدر و اكر كلى اولور ايسه البتده خاقانه عرض لازمدر و بعض زندانيلر كه بند و عقوبتدن خلاص اوله‌لر بازار باشلرنده و سائر كذركاهلرنده كمنك بويونلرنده قور شوندن اغربندلر و كمنك بوغازنيه تحته‌لر و كمنك اللرينه و اياقلرينه دمردن بوقاغولر و سائر انواع عذابه مبتلا ايدرك سياستلرينى خلقه اظهار ايدرلر و اخرنده هر برنيك چپلاق ارقه سنه يوزدكنك اوررلر اكر عورت ايسه طونى اوزرندن اوررلر و جريمه‌لريچون كناهلرينه كوره بر قاج مد برنج يا بغداى و يا دارو الورلر اكر فقير اولوب جريمه و يرمكه قادر دكل ايسه اجرتسز برنيجه ييل پيل بانلق و يا پاسبانلق و يا سائر خدمتلرده استخدام اولورلر و مدت بدل جريمه‌لر تمام اولدقده غرصخالنى حاكم و والى اولان كمسنه‌يه كوستروب مطلع اولدقلرنده‌ينه سياستايوز دكنك اوروب بعده ازادلق خطنى ويررلر خطاييلرك جريمه‌لرى بو اسلوب اوزره اولوب التون واقجه المق عادتلرى دكلدر و مجرملر كه كناهلرينه كوره جزا و سزالرين بولدقد نصكره چارسولرده و كذركاهلرده اولان عسسخانه‌لر اوكنده اول كرفتارلرى كروه كروه چقاروب كناهلرينه تشهيد ايتدكلرنده اول عقوبت ديده‌لر